25 de novembro, Día Internacional contra a Violencia de Xénero

Durante dúas semanas os alumnos e alumnas de 5º e 6º de E.P. formaron parte dunhas xornadas de concienciación pola igualdade e en contra da violencia de xénero realizadas pola Concellería de Igualdade e Benestar do Concello de Noia. A última xornada tivo como escenario o Coliseo Noela, onde ademais de disfrutar da actuación do cómico Pedro Brandariz, na que participaron os alumnos do noso e doutros colexios, tamén recibimos un premio pola realización dun póster sobre a igualdade.

Dende o colexio seguiremos a traballar para axudar a crear unha sociedade mellor.

En contra da violencia de xénero

Hoxe, 25 de novembro, todo o colexio quixemos dicir BASTA! Dicir non máis violencia, non máis insultos, non máis críticas destrutivas. Basta de ter que aguantar malas palabras, xestos, miradas ou golpes. Os máis pequenos aprenderon a importancia dun abrazo e o bonito que é xogar todos xuntos. Os maiores reflexionaron sobre a importancia da igualdade de xénero, a importancia do respecto, o valor da liberdade de opinión e sobre todo fixeron conciencia de que eles son as xeracións futuras, e que neles está o cambio de mentalidade.

 

Viaxe pola Creación

Durante este mes, os nenos e nenas de Educación Infantil estiveron disfrutando da historia da Creación. Todo isto fixérono na compaña dunha amiga moi especial, Juanitatxo. Con ela xogaron, cantaron, crearon e aprenderon moitas cousas; pero o máis importante que aprenderon foi o gusto de traballar CONTENTOS! Aquí vos deixamos algunha imaxe do seu traballo. Ata outra!

25 de novembro, Día Internacional contra a Violencia de Xénero

Os alumnos de 1º e 2º ESO acudiron ao Coliseo Noela invitados polo Concello, onde se deu lugar á lectura dun manifesto contra a violencia de xénero, fixeron entrega duns premios (resultado a clase de 1º A a gañadora do concurso de murais) e asistimos a un monólogo do humorista Pedro Brandariz.

Queremos agradecer ao Concello o ternos invitado e felicitalos por estas actividades de concienciación e reflexión sobre un tema tan importante.

A cigarra e a formiga

Os nenos de Infantil fixemos a primeira saída deste curso a Santiago de Compostela, onde vimos a obra de teatro “La cigarra y la hormiga” representada polo grupo Transeduca. Foi unha obra dinámica e interactiva que fixo que os nenos participasen cantando e bailando. A xornada rematámola no colexio cunha sesión de baile e cine.

Comunicación telefónica

Os/as alumnos/as de 2º de Xestión Administrativa, levaron a cabo por grupos a realización dunha actividade de comunicación telefónica. Tiveron que preparar diversos casos de atención telefónica pasando por grandes dificultades, como é a atención dunha queixa telefónica dun cliente enfadado. Outros grupos prepararon a atención telefónica dunha persoa que chama a unha empresa, interesada por unha oferta de traballo que viu en internet.

En ambos casos os alumnos foron capaces de mostrar unha serie de habilidades e normas de protocolo para a correcta atención das chamadas telefónicas.

Podemos dicir que foi unha gran actividade para desenvolver unha serie de intelexencias como a interpersoal, a lingüístico-verbal e a intrapersoal. E que seguro lles será moi útil para o seu futuro laboral.

Deseña o teu propio almacén

Os/as alumnos/as de 2º de Actividades Comerciais levaron a cabo por grupos a realización do deseño do seu propio almacén loxístico, en relación á unidade didáctica vista na clase nas últimas semanas. Aprendemos a diferenciar os distintos tipos de almacén que existen, e as partes máis importantes que debe conter un almacén así como as súas funcións.
Para finalizar coa actividade cada grupo tivo que expoñer ó resto da clase o almacén que había deseñado así como os produtos que ían almacenar nel.

Podemos dicir que foi unha gran actividade para desenvolver unha serie de intelexencias como a visual-espacial, a lingüístico-verbal e a interpersoal.